Canadian Northern Economic Development Agency
www.CanNor.gc.ca
Liens de la barre de menu commune / Common menu bar links
Archived - ᐱᒋᐊᕐᓂᕕᓂᐊ - ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᑮᓇᐅᔭᖅᑖᖅᑎᑦᑎᕗᑦ ᐃᖅᑲᓇᐃᔭᖅᑐᓕᕆᔨᓂᒃ ᖃᖓᑕᔪᓪᓗ ᐊᑦᑕᓇᔾᔭᐃᖅᑕᐅᓯᒪᓂᖏᓐᓂᒃ ᓄᓇᑦᓯᐊᕐᒥᐅᑦ ᖠᑦᓲ ᓄᓇᖁᑎᖏᓐᓂ
This Web page has been archived on the Web.
Archived Content
Information identified as archived on the Web is for reference, research or record keeping purposes. It has not been altered or updated after the date of archiving. Web pages that are archived on the Web are not subject to the Government of Canada Web Standards. As per the Communications Policy of the Government of Canada, you can request alternate formats by contacting us.
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ $1.1 ᒥᓕᐊᓐ ᐅᖓᑎᐊᕐᔪᐊᓃᑦᑐᓂᒃ ᐊᑐᐃᓐᓇᕈᐃᓂᐊᖅᑐᑦ ᐱᕈᓐᓇᒃᓴᖅᑕᐅᔪᓐᓇᕐᓂᐊᕐᒪᑦ ᐸᑦᓲᑰ ᒥᕝᕕᖕᒥ ᐅᑕᖅᑭᕕᖓ, ᖠᑦᓲ ᓄᓇᖁᑖᓂ ᓄᓇᑦᓯᐊᕐᒥ. ᐅᑕᖅᑭᕕᒃ ᐱᕕᑐᓂᖅᓴᐅᓕᖅᐸᑦ ᐊᑲᐅᓂᖅᓴᐅᓕᕐᓂᐊᖅᑐᖅ ᑲᒪᒋᔭᐅᓇᓱᒃᑎᓪᓗᒋᑦ ᑎᑭᓵᕕᓃᑦ ᐊᒻᒪᓗ ᐃᓄᐃᑦ ᐊᐅᓪᓚᕆᐊᖅᑐᖅᑐᑦ ᑎᑭᑉᐸᓪᓕᐊᔪᓪᓗ.
ᐸᑦᓲᑰ, ᐊᖏᓂᖅᐹᖅ ᖠᑦᓲ ᓇᖕᒥᓂᖅ ᒐᕙᒪᖃᕐᕕᖏᑕ ᐃᖅᑭᓖᑦ ᓄᓇᓕᖁᑖ, 80 ᑭᓚᒦᑕᒥᒃ ᐅᖓᓯᖕᓂᖃᖅᖢᓂ ᔭᓗᓇᐃᕝ ᓂᒋᐊᓂ ᐊᑦᒪᓐᑕᓐᓕᐊᖅᑑᑉ ᐊᖅᑯᑎᕐᔪᐊᑉ ᓴᓂᐊᓃᑦᑐᖅ. ᐅᑭᐅᒃᑯᑦ ᐊᖅᑯᓯᐅᖅᓯᒪᖃᑦᑕᕐᒥᔪᑦ ᐸᑦᓲᑰᒥ ᐊᒻᒪᓗ ᖠᑦᓲ ᓄᓇᓕᖁᑎᖏᑦ ᒥᑭᓐᓂᖅᓴᑦ ᐊᒻᒪᓗ ᓴᓇᕕᐅᖃᑦᑕᖅᑐᑦ.
ᐸᑦᓲᑰ ᒥᕝᕕᖕᒥ ᐅᑕᖅᑭᕕᖓ ᐊᐅᓚᑕᐅᔪᖅ ᑮᓇᐅᔭᓕᐅᕋᓱᐊᕈᑕᐅᓐᖏᖢᓂ ᖠᑦᓲ ᑮᓇᐅᔭᓕᐅᕋᓱᐊᖅᑎᖏᑦᑕ ᑎᒥᖁᑖᓄᑦ, ᐊᒻᒪᓗ ᐊᐅᓪᓚᕆᐊᖅᑐᖅᑐᑦ ᑎᑭᓵᐅᖃᑦᑕᖅᑐᓪᓗ ᑕᕝᕙᓐᖓᑦ ᐱᔨᑦᑎᕐᕕᐅᖃᑦᑕᖅᖢᑎᒃ. ᒫᓐᓇ ᒥᕝᕕᒃ ᐃᖁᒪᓕᖅᓱᖅᑕᐅᓯᒪᔪᖅ, ᐅᑕᖅᑭᕕᐊᓛᖃᖅᖢᓂ ᐊᒻᒪᓗ ᓴᐃᒍᐊᓕᖅᓯᒪᓐᖏᖢᓂ.
ᖠᑦᓲᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦ ᑲᓇᑕᐅᑉ ᒐᕙᒪᒃᑯᖏᓐᓂᓐᖔᖅᑐᓂᒃ ᑮᓇᐅᔭᓂᒃ ᐊᑐᕐᓂᐊᖅᑐᖅ ᓄᑖᓐᖑᕆᐊᖅᑎᑦᑎᓗᑎᒃ ᑕᒪᓐᓇ ᓇᓪᓕᐅᒃᑯᒫᖅᑕᐅᓯᒪᔪᓐᓇᖅᓯᓂᐊᕐᒪᑦ, ᐊᒻᒪᓗ ᓂᐅᕋᐃᕕᖃᐅᑦᑎᐊᓕᕐᓗᓂ ᐅᓯᓕᖅᓱᐃᕕᖃᐅᑦᑎᐊᓕᕐᓗᓂᓗ. ᐅᑯᐊ ᐃᓚᖏᑦ ᓴᓇᔭᐅᓂᐊᖅᑐᑦ.
- ᐊᓯᔾᔨᖅᑕᐅᓗᑎᒃ ᐃᓕᓯᒪᑲᐃᓐᓇᖅᑐᒃᓴᑦ ᒥᕝᕕᐅᑉ ᖃᐅᒻᒪᖅᑯᑎᖏᑦ, ᐃᓕᓯᖔᕐᓗᑎᒃ ᐊᑐᐃᓐᓇᕐᓂᐊᓕᖅᑐᓂᒃ ᐅᐊᔭᖏᑦ ᓄᓇᐅᑉ ᐃᑭᐊᖓᒎᖅᑎᓯᒪᓗᑎᒃ
- ᒥᕝᕕᒃ ᓴᐃᒍᐊᓕᖅᑕᐅᓗᓂ ᐊᑦᑕᓇᓐᖏᓐᓂᖅᓴᐅᔪᓐᓇᕐᓂᐊᕐᒪᑦ
- ᐅᑕᖅᑭᕕᖓ ᓂᕈᑦᑐᕆᐊᖅᑕᐅᓗᓂ ᐅᑕᖅᑭᕕᖓ ᐱᕕᑐᓂᖅᓴᐅᓕᕐᓂᐊᕐᒪᑦ ᐊᒻᒪᓗ ᓂᐅᕋᐃᕖᑦ ᓂᕈᑦᑐᕆᐊᖅᑕᐅᓗᑎᒃ ᐊᒻᒪᓗ ᖁᐃᔭᖅᑐᕐᕕᖏᑦ ᓴᓇᔭᐅᒃᑲᓐᓂᕐᓗᑎᒃ.
ᓴᓇᔭᐅᓂᖓᓂ 79-ᓄᑦ ᓈᒻᒪᒃᓯᓕᖅᓯᒪᔪᓄᑦ ᐃᖅᑲᓇᐃᔭᖅᑎᑦᑎᔾᔪᑕᐅᓂᐊᖅᑐᖅ. ᐊᕗᖓᐅᔨᓯᒪᓂᖅᓴᐃᑦ ᑕᑯᓐᓇᕐᓗᒋᑦ. ᓄᑖᓐᖑᕆᐊᖅᑎᑕᐅᒃᐸᑦ ᐸᑦᓲᑰᒥᐅᑦ ᒥᕝᕕᖃᑦᑎᐊᕐᓂᖅᓴᐅᓂᐊᖅᑐᑦ ᐊᒻᒪᓗ ᓂᐅᕋᐃᕕᓪᓚᕆᐅᓕᕐᓗᓂ ᐅᓯᓕᖅᓱᐃᕕᓪᓚᕆᐅᓕᕐᓗᓂᓗ.
ᑲᑎᓕᒫᕐᓗᒋᑦ ᑮᓇᐅᔭᖅᑐᕈᑎᖏᑦ, $1,354,000-ᖑᓂᐊᖅᑐᑦ, ᐊᒻᒪᓗ ᑖᒃᑯᓇᓐᖓᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ $1,121,759 (83 ᐳᓴᓐᑎᑦ). ᖠᑦᓲᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦᑕ ᑎᒥᖁᑖ ᐊᒥᐊᒃᑯᓂᒃ ᐃᓕᓯᓂᐊᖅᑐᑦ $232,241-ᓂᒃ (17 ᐳᓴᓐᑎᑦ). ᑖᓐᓇ ᐱᔭᕇᖅᑕᐅᓂᐊᕋᓱᒋᔭᐅᔪᖅ ᒫᔾᔨ 2011 ᐃᓱᓕᓚᐅᓐᖏᓐᓂᖓᓂ.
ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ (CAF)
ᑖᓐᓇ ᐱᓕᕆᐊᖑᔪᒪᔪᖅ ᑮᓇᐅᔭᖃᖅᑎᑕᐅᓂᐊᖅᑐᖅ ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦᑎᒍᑦ, ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᕐᕌᒎᖕᓄᑦ ᒪᕐᕉᖕᓄᑦ ᐋᖅᑭᒃᑕᐅᓯᒪᕗᖅ, ᑲᓇᑕᓕᒫᒧᑦ $1 ᐱᓕᐊᓐ ᐊᑐᐃᓐᓇᕈᖅᑎᑕᐅᓯᒪᓪᓗᑎᒃ ᐃᖅᑲᓇᐃᔮᑦ ᓄᐃᑲᐅᑎᒋᔪᓐᓇᕐᓂᐊᕐᒪᑕ ᓄᓇᓕᖕᓂ ᓄᓇᕐᔪᐊᕐᒥ ᑮᓇᐅᔭᑦ ᑲᑕᐅᒥᓯᒪᓚᐅᕐᓂᖓᓄᑦ. ᐊᕗᖓᐅᔨᓯᒪᔪᑦ ᑮᓇᐅᔭᓕᐅᕋᓱᐊᕈᑏᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑐᕌᖓᔪᑦ ᑮᓇᐅᔭᖃᖅᑎᑕᐅᔪᓐᓇᕐᒥᔪᑦ. ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᐅᓚᑕᐅᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ ᓄᓇᑦᓯᐊᕐᒥ, ᔫᑳᓐᒥ ᐊᒻᒪᓗ ᓄᓇᕗᒻᒥ.
