Canadian Northern Economic Development Agency
www.CanNor.gc.ca
Liens de la barre de menu commune / Common menu bar links
Archived - ᑐᓴᒐᒃᓴᑦ
This Web page has been archived on the Web.
Archived Content
Information identified as archived on the Web is for reference, research or record keeping purposes. It has not been altered or updated after the date of archiving. Web pages that are archived on the Web are not subject to the Government of Canada Web Standards. As per the Communications Policy of the Government of Canada, you can request alternate formats by contacting us.
ᓈᓴᐅᑦ 10-033
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᑮᓇᐅᔭᖅᑖᖅᑎᑦᑎᕗᑦ ᐃᖅᑲᓇᐃᔭᖅᑐᓕᕆᔨᓂᒃ ᖃᖓᑕᔪᓪᓗ ᐊᑦᑕᓇᔾᔭᐃᖅᑕᐅᓯᒪᓂᖏᓐᓂᒃ ᓄᓇᑦᓯᐊᕐᒥᐅᑦ ᖠᑦᓲ ᓄᓇᖁᑎᖏᓐᓂ
ᔭᓗᓇᐃᕝ (ᓄᓇᑦᓯᐊᖅ), ᐊᐅᒡᒍᓯ 19, 2010 –ᖠᑦᓲᒥ ᓄᓇᖃᖅᑐᑦ ᐱᓯᓂᓯᖃᐅᖅᑐᓪᓗ ᐃᖅᑲᓇᐃᔮᓂᒃ ᓄᑖᓂᒃ ᓄᐃᑦᑎᔪᓐᓇᕐᓂᐊᓯᕗᑦ ᐊᒻᒪᓗ ᒥᕝᕕᖕᒥ ᓱᓇᒃᑯᑖᓂᒃ ᐱᕈᓐᓇᐃᓗᑎᒃ ᐸᑦᓲᑰᒦᑦᑐᓂᒃ ᐊᑐᕐᓗᒋᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᑮᓇᐅᔭᖁᑎᖏᑦ.
ᔮᓪ ᑕᓐᑲᓐ, ᒥᓂᔅᑕᕆᔭᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᐅᓪᓗᒥ ᓇᓗᓇᐃᖅᓯᑲᐅᕗᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐃᓕᓯᓂᐊᕐᓂᕋᖅᖢᓂᒋᑦ $1.1 ᒥᓕᐊᓐ ᐅᖓᑎᐊᕐᔪᐊᓃᑦᑐᓂᒃ ᐊᑐᖅᑐᒃᓴᐅᑕᐅᓂᐊᖅᑐᓂᒃ ᐸᑦᓲᑰ ᒥᕝᕕᖓᓄᑦ.
“ᒐᕙᒪᕗᑦ ᐅᐱᑉᐳᑦ ᑮᓇᐅᔭᖅᑖᖅᑎᑦᑎᔪᓐᓇᕋᒥᒃ ᐊᑐᖅᑐᒃᓴᐅᑕᐅᓂᐊᖅᑐᓂᒃ ᐊᒻᒪᓗ ᐃᖅᑲᓇᐃᔮᓂᒃ ᓴᖅᑭᑦᑐᖃᒃᑲᓐᓂᕐᓂᐊᖅᖢᓂ, ᖃᖓᑦᑕᐅᑏᓪᓗ ᐊᑭᒡᓕᒋᐊᕐᓗᑎᒃ ᐊᒻᒪᓗ ᐊᑦᑕᓇᔾᔭᐃᖅᓯᒪᒃᑲᓐᓂᕐᓂᐊᖅᖢᑎᒃ. ᓄᑖᓐᖑᕆᐊᖅᑎᑕᐅᒃᐸᑦ ᐅᑕᖅᑭᕕᒃ ᑮᓇᐅᔭᓕᐅᕋᓱᐊᕈᑏᑦ ᐊᔾᔨᒌᓐᖏᑦᑐᑦ ᐅᓄᖅᓯᒃᑲᓐᓂᕐᓂᐊᖅᑐᑦ, ᐊᕕᒃᑐᖅᓯᒪᔪᖁᑖᓂ ᖃᖓᑕᓲᒃᑰᖅᑎᑕᐅᔪᑎᒍᑦ,” ᑕᐃᒪᓐᓇ ᐅᖃᓚᐅᖅᑐᖅ ᒥᓂᔅᑕ ᑕᓐᑲᓐ, ᒥᓂᔅᑕᕆᔭᐅᖃᑕᐅᓯᓐᓈᖅᑐᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓂᐱᒋᔭᐅᓪᓗᓂ ᐱᔾᔪᑕᐅᑎᓪᓗᒋᑦ ᐊᓪᓚᖓᔪᐃᑦ ᐊᒻᒪᓗ ᐃᓕᓴᕆᔭᐅᓯᒪᓐᖏᑦᑐᑦ ᐃᖅᑭᓕᖕᓄᑦ.
“ᒥᕝᕕᖕᒥ ᐅᑕᖅᑭᕕᒃ ᐊᖏᒡᓕᒋᐊᖅᑕᐅᒃᐸᑦ ᓄᑖᓐᖑᕆᐊᖅᑕᐅᒃᐸᓪᓗ ᒪᐅᖓᑦᑎᐊᖅ ᐊᕗᖓᐅᔨᓯᒪᔪᓄᓪᓗ ᐃᖅᑲᓇᐃᔮᓂᒃ ᓄᐃᑦᑎᓂᐊᖅᑐᖅ ᑖᓐᓇ ᓴᓇᔭᐅᔪᖅ ᐊᐅᓚᑕᐅᓂᖓᒍᑦ, ᓴᓇᔭᐅᓂᖓᒍᑦ ᐊᒻᒪᓗ ᐊᐅᓚᑕᐅᓂᖓᒍᑦ ᑲᒪᒋᔭᐅᖃᑦᑕᕆᐊᖃᕐᓂᖓᒍᓪᓗ,” ᑕᐃᒪᓐᓇ ᐅᖃᓚᐅᖅᑐᖅ ᓕᐅᓇ ᐊᒡᓘᒃᑲᖅ, ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᐅᑭᐅᖅᑕᖅᑐᒥᒃ ᐊᒻᒪᓗ ᒥᓂᔅᑕᕆᔭᐅᓪᓗᓂ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ.
ᖠᑦᓲᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦᑕ ᑎᒥᖁᑎᖏᑦ, ᑮᓇᐅᔭᓕᐅᖅᑎᒋᔭᐅᑎᓪᓗᒍ ᖠᑦᓲ ᒐᕙᒪᖏᓐᓄᑦ, ᑮᓇᐅᔭᖅᑖᖅᑎᑕᐅᓂᐊᖅᑐᑦ $1,121,759-ᓂᒃ ᒥᕝᕕᖕᒥ ᐅᑕᖅᑭᕕᐅᑉ ᖃᐅᒻᒪᖅᑯᑎᖏᑦ ᓄᑖᓐᖑᕆᐊᖅᑕᐅᓗᑎᒃ, ᓴᐃᒍᐊᓕᖅᑕᐅᓗᓂ ᐊᒻᒪᓗ ᐅᑕᖅᑭᕕᖓ ᓴᓇᔭᐅᒃᑲᓐᓂᕐᓗᓂ. ᖠᑦᓲᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦ ᐃᓕᓯᒃᑲᓐᓂᕐᓂᐊᖅᑐᑦ $232,000-ᓂᒃ, ᑲᑎᓕᒫᕐᓗᒋᓪᓗ ᐊᑐᖅᑐᒃᓴᑦ $1,354-ᖑᓂᐊᖅᖢᑎᒃ. ᑖᓐᓇ ᐅᑕᖅᑭᕕᒃ ᐊᐅᓚᑕᐅᔪᑦ ᑮᓇᐅᔭᓕᐅᕋᓱᐊᖅᑎᐅᓐᖏᖢᓂ ᑖᒃᑯᓄᖓ ᖠᑦᓲᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦᑕ ᑎᒥᖁᑎᖏᓐᓄᑦ.
ᑖᓐᓇ ᐱᓕᕆᐊᖑᔪᒪᔪᖅ ᑮᓇᐅᔭᖃᖅᑎᑕᐅᓂᐊᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᖏᑦᑎᒍᑦ. ᐃᓚᒋᔭᐅᖃᑕᐅᓪᓗᓂ ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦᑎᒍᑦ, ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᕐᕌᒎᖕᓄᑦ ᒪᕐᕉᖕᓄᑦ ᐋᖅᑭᒃᑕᐅᓯᒪᕗᖅ, ᑲᓇᑕᓕᒫᒧᑦ $1 ᐱᓕᐊᓐ ᐊᑐᐃᓐᓇᕈᖅᑎᑕᐅᓯᒪᓪᓗᑎᒃ ᑮᓇᐅᔭᓕᐅᕋᓱᐊᕈᑏᑦ ᐅᓄᖅᓯᒋᐊᒃᑲᓐᓂᕈᓐᓇᕐᓂᐊᕐᒪᑕ ᐊᒻᒪᓗ ᐃᖅᑲᓇᐃᔮᒃᓴᓂᒃ ᓄᐃᑦᑎᓗᑎᒃ ᐊᒃᑐᖅᑕᐅᓯᒪᓗᐊᖅᑐᓂᒃ ᓄᓇᕐᔪᐊᕐᒥ ᑮᓇᐅᔭᑦ ᑲᑕᐅᒥᓯᒪᓚᐅᕐᓂᖓᓄᑦ. ᑮᓇᐅᔭᑦ $32.8 ᒥᓕᐊᓐ ᐊᑐᐃᓐᓇᕈᖅᑎᑕᐅᓂᐊᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ.
ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᑐᖅᑕᐅᔪᓐᓇᖅᑐᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᑐᕌᖓᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᐃᖅᑲᓇᐃᔮᖅᑖᕆᓯᒪᓪᓗᓂᐅᒃ ᓄᓇᑦᓯᐊᕐᒧᑦ, ᔫᑳᓐᒧᑦ ᐊᒻᒪᓗ ᓄᓇᕗᒻᒧᑦ. ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐱᔭᒃᓴᖅᑖᖅᑎᑕᐅᓯᒪᕗᖅ ᑐᑭᒧᐊᒃᑎᑦᑎᔨᐅᓂᕐᒥᒃ ᐊᒻᒪᓗ ᓴᖅᑭᔮᖅᑎᑦᑎᓂᕐᒥᒃ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᓕᐅᕋᓱᐊᕈᑎᓄᑦ ᐱᓕᕆᐊᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᔨᐅᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ. ᐃᓅᓯᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᑐᕌᖓᔪᑦ ᐅᑭᐅᖅᑕᖅᑐᒥ ᑎᓴᒪᒋᔭᐅᓪᓗᑎᒃ ᐱᓪᓗᐊᑕᕆᔭᐅᕗᑦ ᑲᓇᑕᐅᑉ ᒐᕙᒪᒃᑯᖏᑦᑕ ᐅᑭᐅᖅᑕᖅᑐᒧᑦ ᐱᕚᓪᓕᐅᑎᒃᓴᓕᐊᕆᓯᒪᔭᖏᓐᓄᑦ.
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᐱᕙᓪᓕᐊᔪᒃᑰᖅᑎᑕᖏᓐᓂᒃ ᐱᔪᒪᒍᕕᑦ, ᐅᓇ ᖃᐅᔨᒋᐊᕐᕕᒋᔪᓐᓇᖅᑕᐃᑦ: www.cannor.gc.ca
ᑲᓇᑕᐅᑉ ᑮᓇᐅᔭᓕᐅᕋᓱᐊᕈᑎᓂᒃ ᐊᐅᓚᔾᔭᐃᒋᐊᕈᑏᑦ ᐸᕐᓇᐅᑎᖏᑦ ᑐᑭᓯᒃᑲᓐᓂᕈᒪᒍᕕᒋᑦ, ᖃᕆᓴᐅᔭᒃᑯᑦ ᑐᕌᕈᑖ ᐅᓇ ᑕᑯᒋᐊᕈᓐᓇᖅᑕᐃᑦ:
ᐊᒻᒪᓗ ᑲᓇᑕᒥ ᐅᑭᐅᖅᑕᖅᑐᒥᐅᓄᑦ ᑐᑭᒧᐊᕈᑏᑦ, ᐅᓇ ᑕᑯᒋᐊᕐᓗᒍ www.northernstrategy.gc.ca/index-eng.asp
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᒥᓂᔅᑕ ᔮᓐ ᑕᓐᑲᓐ ᑎᑎᕋᕐᕕᖓ
ᒥᓯᐅᓪ ᔭᐅ
819-997-0002
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᑐᓴᐅᒪᔾᔪᑎᓕᕆᔨᖏᑦ
ᐲᑐᕋ ᕙᐃᑦ
ᑐᓴᐅᒪᔾᔪᑎᓕᕆᓂᕐᒧᑦ ᖃᐅᔨᒪᔨᑕᖅ, ᓄᓇᑦᓯᐊᖅ
867-669-2580
